Saudiyaning nomi oshkor etilmagan klubi Madridning “Real” klubi hujumchisi Vinisius Juniorga 5 yillik shartnoma va 1 milliard yevro maosh taklif qilmoqchi. Bu haqda AS xabar berdi.
Manbaga ko’ra, saudiyaliklar “Real”ga Vinisius transferi uchun 300 million yevro va futbolchining o’zi uchun yiliga 200 million yevrolik shartnoma taklif qilishga tayyor.
Qayd etilishicha, “Qirollik klubi” braziliyalik futbolchini 1 milliard yevrodan kamiga sotmoqchi emas.
Eslatib o’tamiz, avvalroq hujumchi unga “Al-Hilol” va “Al-Nasr” qiziqish bildirayotganiga qaramay, Madrid klubida qolish niyatida ekanligi xabar qilingandi.
Ma’lumot uchun, Vinisius joriy mavsum barcha turnirlarda 26 ta o’yinda maydonga tushib, 16 ta gol urdi va 10 ta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
