Belarusning “Energetik BGU” klubi bosh murabbiyi Aleksey Merkulov “Manchester Siti” futbolchisi Abduqodir Husanovning kuchli tomonlarini aytdi.
“Abduqodir jamoamizga 16 yoshida kelib qo’shilgan. Aslida, bu yoshda u hali professional darajada o’ynay olmasdi. Lekin bir qarashda uning juda iqtidorli futbolchi ekanligi ayon bo’ldi.
Aslini olganda, u olmosga o’xshardi. Biroq biz birinchi navbatda uning jismoniy imkoniyatlarini va taktik bilimini oshirishimiz kerak edi. Klubdagi barcha murabbiylar shu ustida ishladi.
Agar uning kuchli tomonlariga to’xtaladigan bo’lsak, menimcha, bu, birinchi navbatda yuqori tezlik. U to’p uchun kurashda juda yaxshi o’ynaydi, kuchli zarbaga ega, yuqorida ham, pastda ham teng darajada o’ynay oladi. Shuning uchun, bu uni boshqa himoyachilardan ajratib turadi”, – deydi Merkulov.
Eslatib o’tamiz, Abduqodir Husanov joriy yilning 20-yanvarida “Manchester Siti” safiga kelib qo’shildi va “Chelsi”ga qarshi o’yinda debyut qilishga muvaffaq bo’ldi.
