Yevropa Ligasini muddatidan avval tark etgan yettita jamoa nomi ma’lum bo’ldi. Ular eng yaxshi 24 ta jamoa tarkibiga kirish va turning qolgan qismida pley-off bosqichiga chiqish uchun kurashish imkoniyatini yo’qotdi.
RFS, “Slaviya”, “Malmyo”, “Ludogorets”, “Qorabog’”, “Nitsa” va “Dinamo Kiyev” Yevropa Ligasining keyingi bosqichiga chiqish imkoniyatidan mahrum bo’lishdi.
Ma’lumot uchun, hozirda musobaqa turnir jadvalida “Latsio” peshqadamlik qilmoqda (19 ochko). Ikkinchi va uchinchi o’rinni 16 ochko bilan mos ravishda “Ayntraxt” va “Atletik” egallab turibdi.
Eslatib o’tamiz, Yevropa Ligasining amaldagi g’olibi o’tgan yilgi finalda “Bayer”ni 3:0 hisobida mag’lub etgan “Atalanta” hisoblanadi.
