“Barselona” sport direktori Deko braziliyalik hujumchi Neymarning Kataloniya klubiga o’tishi mumkinligi haqida gapirdi.
“Neymarning “Barselona”ga qaytishi haqidagi gap-so’zlar doim uzoqqa cho’zilgan. Biz bilamizki, u Saudiyaga ko’chib o’tganidan beri juda qimmatbaho futbolchiga aylangan.
Neymar formada bo’lganida dunyoning eng kuchli futbolchilaridan biri hisoblanadi. Uni istalgan klubda quchoq ochib kutib olishadi. Hech narsani inkor etib bo’lmaydi, lekin menimcha, u hozir Braziliyaga qaytadi.
Eng muhimi, u yana futbol o’ynashi kerak. Bu unga ham, boshqalarga ham quvonch keltiradi. Uning qanday rejalari borligini bilmayman, lekin eng muhimi, u baxtli”, – deydi Deko.
Ma’lumot uchun, Neymar joriy mavsum “Al-Hilol” safida jami 2 ta o’yinda maydonga tushdi. Uning Transfermarkt’dagi narxi 15 million yevroga baholanmoqda.
