PSJ sport direktori Luish Kampush Saudiya Arabistoni futbol federatsiyasidan 200 million yevrolik taklif oldi. Bu haqda Le Parisien xabar berdi.
Manbaga ko’ra, o’tgan haftada Shvetsariyada Kampush va Saudiya vakillari o’rtasida muzokaralar bo’lib o’tgan.
Qayd etilishicha, funksionerga 10 yillik shartnoma taklif qilingan (yiliga 20 million yevro). U Saudiya Arabistoni terma jamoasini 2034-yilgi Jahon chempionati yarim finaliga yetib borishi uchun yordam berishi kerak.
Kampush 2025-yilning 31-dekabrigacha javob berishi kerak. U hali hujjatni imzolagani yo’q va PSJ’da qolishni afzal ko’rmoqda. Ammo Parij klubi bilan shartnomasini uzaytirish bo’yicha muzokaralar moliyaviy muammolar tufayli boshi berk ko’chaga kirib qolgan.
