“Manchester Yunayted” sobiq futbolchisi Luish Nani rasman Portugaliyaning “Estrela” futbolchisiga aylandi. Bu haqda klub matbuot xizmati xabar berdi.
Manbaga ko’ra, vinger “Estrela” bilan bir yillik shartnomaga imzo chekkan. Klub hozirda Portugaliya Primeyrasida o’ynaydi. O’tgan mavsumda jamoa 33 ochko jamg’arib, 14-o’rinni egallagan.
Ma’lumot uchun, Nani 2007-yildan 2014-yilgacha “MYU” safida to’p surgan. Bu davr ichida portugaliyalik futbolchi klub safida 230 ta o’yin o’tkazib, 41 ta gol va 71 ta golli uzatmaga mualliflik qilgan.
Nani 2023/2024-yilgi mavsumni Turkiyaning “Adana Demirspor” klubi safida o’tkazdi. Ushbu jamoa tarkibida 34 ta o’yin o’tkazib, 4 ta gol va 3 ta golli uzatmani amalga oshirdi.
