“Manchester Siti” sport direktori Chiki Begiristayn O’zbekiston milliy terma jamoasining 20 yoshli markaziy himoyachisi Abduqodir Husanovning transferi haqida gapirdi.
“U safimizga qo’shilganidan xursandmiz va u jamoaga faqat foyda keltirishiga aminmiz.
Abduqodir yosh bo’lishiga qaramay, himoyachi sifatida juda aqlli, shuningdek, kuchli va juda tezkor.
Pep bilan ishlash unga faqat foyda keltiradi. U bilan suhbatlashganimdan so’ng, u rivojlanishda davom etishga qaror qilganini angladim”, – deydi Begiristayn.
Eslatib o’tamiz, “shaharliklar” Husanov bilan 2029-yilning yoziga qadar mo’ljallangan shartnoma imzoladi. Transfer narxi bonuslar bilan qo’shib hisoblaganda 50 million yevroni tashkil qildi.
