“Sevilya”ning 22 yoshli markaziy himoyachisi Kike Salas Ispaniya La Ligasi o’yinlarida totalizatorga aralashganlikda gumon qilinib, hibsga olindi. Bu haqda COPE xabar bermoqda.
Manbaga ko’ra, Salas so’nggi mavsumning so’nggi to’qqizta o’yinida 7 ta sariq kartochka olgan va bu atayin qilinganligi aytilmoqda. Shuningdek, 22 yoshli futbolchining ikki do’sti ham tergov qilinmoqda.
Ta’kidlanishicha, Salasning aybi isbotlansa, u firibgarlik ishi bo’yicha olti oydan uch yilgacha ozodlikdan mahrum qilinishi mumkin.
