O’zbekiston Olimpiya terma jamoasi bosh murabbiyi Timur Kapadze Sport24.ru nashriga bergan intervyusida “Spartak”ning sobiq vingeri Oston O’runov nega yuqori saviyada o’ynay olmagani haqida fikr bildirdi.
– Oston O’runovni Olimpiadaga chaqirdingiz. Rossiyada u ko’ngildagidek o’ynay olmadi. Hozir esa Eronda to’p surmoqda. U o’zining sport formasini qayta tiklay oladimi?
– Agar u yaxshi murabbiyga tushsa. O’runovning salohiyati yuqori. U ham jismonan, ham texnik tarafdan ham juda kuchli.
– Unda muammo nimada?
– Uning mentalitetida. O’runov – sirli yigit, qattiqo’l, unchalik kirishuvchan emas. Qayerdadir sabr-toqat va o’z-o’zini yengish kerak bo’lgan vaziyatlarda xarakter yetishmasligi bor gap. Oston Rossiyada shuning uchun o’zini ko’rsata olmadi.
Urunov ko’p pul bo’lgan muhitga tushib qoldi. Barcha futbolchilar qimmatbaho buyumlar sotib olishadi. Oston futbolga e’tibor qarata olmadi. Garchi u Abbosdan kam iqtidorga ega emas edi, – deydi Kapadze.
