Germaniya terma jamoasi va Myunxenning “Bavariya” klubi yarim himoyachisi Jamal Musiala “Inter Mayami” futbolchisi Lionel Messini eng sevimli futbolchisi deb atadi.
“Bolaligimda futbolkamning orqa tomonida har doim Messi ismi bo’lardi. Menda Neymar ham bor edi, lekin Messi mening qahramonim, eng sevimli futbolchim edi!”, – deya Musialaning so’zlarini keltiradi Fabritsio Romano.
Ma’lumot uchun, Musiala joriy mavsum barcha turnirlarda 21 ta o’yinda maydonga tushib, 12 ta gol urdi va 5 ta golli uzatmani amalga oshirdi. Uning Transfermarkt’dagi narxi 130 million yevroga baholanmoqda.
