Londonning “Chelsi” klubi vingeri Mixail Mudrik doping testidan o’ta olmaganligi sababli vaziyatni hal qilish uchun Morgan Sports Law yuridik firmasiga murojaat qildi. Bu haqda The Telegraph xabar berdi.
Morgan Sports Law fransiyalik futbolchi Pol Pogba doping tufayli 4 yilga diskvalifikatsiya qilinganidan so’ng, apellyatsiya berib muddatni 18 oyga qisqartirgan firma hisoblanadi.
Ma’lumot uchun, Mudrik joriy mavsum APL’da 7 ta o’yin o’tkazdi. Shuningdek, Konferensiyalar ligasida 6 ta o’yinda maydonga tushib, 3 ta gol urdi va 3 ta golli uzatmani amalga oshirdi.
