Gvineyaning ikkinchi yirik shahri Nzerekoreda futbol o’yini vaqtida muxlislar o’rtasida mushtlashuv sodir bo’ldi va 100 ga yaqin odam halok bo’ldi. Bu haqda Barron’s xabar bermoqda.
Ma’lumotlarga qaraganda, voqeaga hakamning qizil kartochka ko’rsatgani, keyin esa jamoalardan birining darvozasiga penalti belgilangani, shundan so’ng muxlislar o’zaro janjal ko’targani sabab bo’lgan.
Shifokorlardan birining aytishicha, 100 ga yaqin odam halok bo’lgan, jasadlar mahalliy shifoxona va o’likxonani to’ldirgan.
“Kasalxonada jasadlar ko’z ko’rinadigan darajada tizilgan. Boshqalar koridorlarda yotibdi. O’likxona to’lgan”, – deya izoh beradi shifokor.
Politsiya janjalni to’xtatish uchun ko’zdan yosh oqizuvchi gazdan foydalangan. Undan qochmoqchi bo’lgan muxlislar stadionning chiqish joyida tirbandlik hosil qilgan. Ko’pchilik havo yetmay qolishidan yoki chiqishga urinayotganda stadion devoridan yiqilib halok bo’lgan.
Qayd etilishicha, o’yin Gvineyadagi isyonchilar yetakchisi polkovnik Mamadi Doumbuya sharafiga o’tkazilgan turnir doirasida bo’lgan.