Myunxenning “Bavariya” klubi hujumchisi Harri Keyn Bundesliganing 20-turida “Golshteyn”ga qarshi o’yinda (4:3) dubl qayd etdi. Bu uning Germaniya chempionatidagi 50-o’yini bo’ldi.
DW Sports xabariga ko’ra, 31 yoshli angliyalik futbolchi Bundesligadagi dastlabki 50 o’yinida 55 ta gol urdi va turnir rekordini o’rnatdi.
Ma’lumot uchun, avvalgi rekord Dortmundning “Borussiya” klubi sobiq hujumchisi, hozirda “Manchester Siti”da to’p surayotgan Erling Holandga tegishli edi (50 ta o’yinda 50 ta gol).
