Turinning “Yuventus” klubi sobiq yarim himoyachisi Pol Pogba Braziliyaning “Korintians” klubiga o’tishga rozi bo’ldi. Bu haqda BolaVip xabar berdi.
Manbaga ko’ra, “Korintians” rahbariyati fransiyalik futbolchini sotib olish xarajatlarini 100 foiz qoplaydigan homiy qidirmoqda.
Eslatib o’tamiz, avvalroq “Manchester Siti” Pogbaga qiziqish bildirayotgani haqida xabarlar tarqalgandi.
Ma’lumot uchun, Pogba hozirda antidoping qoidalarini buzganligi uchun diskvalifikatsion jazoni o’tamoqda. Futbolchi 2025-yilning yanvar oyidan boshlab mashg’ulotlarni davom ettirishi mumkin.
