Kataloniyaning “Barselona” klubi va Polsha terma jamoasi hujumchisi Robert Levandovski futbolchilik faoliyatini qachon yakunlashi mumkinligi haqida gapirdi.
“Yoshimni hisobga olsak, yaqin orada, ikki yoki uch yil ichida faoliyatim tugashini bilaman.
Bir kuni uyg’onib, mashg’ulotlarga borishni xohlamayotganimni his qilsam, bu men uchun nafaqaga chiqish haqida o’ylashni boshlashim uchun birinchi signal bo’ladi.
Hozircha men har kuni ertalab hech qanday og’riq sezmay uyg’onaman. Umid qilamanki, bu davom etadi. Men hali ham mashg’ulotlarni va bu klubga kelishni yaxshi ko’raman”, – deya Levandovskining so’zlarini keltiradi Forbes nashri.
Ma’lumot uchun, Levandovski joriy mavsum “Barselona” safida jami 17 ta o’yinda maydonga tushib, 19 ta gol urdi va 2 ta golli uzatmani amalga oshirdi. Uning klub bilan tuzgan amaldagi shartnomasi 2026-yilning yoziga qadar amal qiladi.
