JCh-2026 saralashining 3-bosqichi 7-turidan o’rin olgan bahsda O’zbekiston milliy terma jamoasi Qirg’iz Respublikasiga qarshi maydonga tushdi va minimal hisobda g’alaba qozondi.
Uchrashuvdagi yagona gol 40-daqiqada Hojiakbar Alijonov tomonidan kiritildi.
Ikkinchi bo’lim qo’shnilarimizning faolligi ostida boshlangan bo’lsa-da, vakillarimiz tezda vaziyatni o’z qollariga oldi. Biroq yaratilgan qator vaziyatlar natija bermadi.
Eldor Shomurodov tomonidan urilgan gol ham offsayd sabab bekor qilindi.
Shu tariqa, O’zbekiston milliy terma jamoasi bugungi g’alabadan so’ng o’z ochkolari hisobini 16 taga yetkazib, guruhda 2-o’ringa mustahkam joylashib oldi.
