Angliya futbol assotsiatsiyasi (FA) “Tottenhem”ning urugvaylik yarim himoyachisi Rodrigo Bentankurni Son Xyon Minga nisbatan qilgan hazili uchun 7 ta o’yinga diskvalifikatsiya qildi. Bu haqda tashkilot matbuot xizmati xabar berdi.
Eslatib o’tamiz, o’tgan yozda ijtimoiy tarmoqlarda Bentankur ishtirokidagi video tarqalgandi, unda teleboshlovchi futbolchidan Son Xyon Minning futbolkasini so’ragandi.
“Sonni amakivachchasining futbolkasi bo’lmaydimi? Chunki ularning hammasi bir xil ko’rinadi”, – degan edi Bentankur. Shundan so’ng futbolchi ijtimoiy tarmoqlar orqali Sondan uzr so’ragandi.
O’shanda Bentankur FA tomonidan “noto’g’ri xatti-harakatlar” va “etnik yoki irqiy haqoratomuz so’z” ishlatganlikda ayblagandi.
