FourFourTwo nashri futbol tarixidagi eng yaxshi italiyalik murabbiy nomini e’lon qildi.
Unga ko’ra, reytingning yuqori pog’onasidan Madridning “Real” klubi bosh murabbiyi Karlo Anchelotti joy olgan.
“Anchelotti tarixdagi eng mashhur italiyalik murabbiy bo’lmasa-da, lekin u, albatta, eng muvaffaqiyatli murabbiylardan biri. Taktik jihatdan juda kuchli.
Karlo turli jamoalarga moslashishda usta va o’zining boshqarish qobiliyati orqali doimiy ravishda eng yaxshi natijalarni qo’lga kiritadi. “Milan” va “Real” bilan Chempionlar ligasining ko’p karra g’olibi bo’lgan italiya terma jamoasining sobiq yarim himoyachisi, shuningdek, “Milan”, “Real”, “Chelsi”, PSJ va “Bavariya” bilan mamlakat chempionligini qo’lga kiritgan birinchi murabbiyga aylangan”, – deyiladi xabarda.
FourFourTwo talqiniga ko’ra, eng yaxshi italiyalik murabbiylarning TOP-5 taligi quyidagicha ko’rinish olgan:
1. Karlo Anchelotti
2. Jovanni Trapattoni
3. Arrigo Sakchi
4. Fabio Kapello
5. Vittorio Pozzo
