Superog’ir vazn toifasidagi bokschimiz Bahodir Jalolovning navbatdagi janggi bo’yicha tafsilotlar paydo bo’ldi.
Unga ko’ra, charm qo’lqop ustamiz 2025-yilning 6-fevral kuni Kanadaning Monreal shahrida tashkil etiladigan prof boks oqshomi doirasida ringga qaytadi.
Jalolovga o’sha kuni fransiyalik Devid Spilmont raqiblik qilishi mumkin. Biroq hozircha bu xabar rasman tasdig’ini topgani yo’q.
Ma’lumot uchun, Bahodir professional faoliyati davomida hozirga qadar 14 ta jang o’tkazgan va ularning barchasida g’alaba qozongan.
Uning ehtimoliy raqibi Devid Spilmont esa shu kungacha 27 ta jang o’tkazib, 16 g’alaba, 8 mag’lubiyat va bitta durang qayd etgan.
