Angliyalik hakam Devid Kut UEFA tomonidan 2026-yilning yoziga qadar musobaqalarda ishtirok etishdan mahrum qilindi.
Yevropa futbol assotsiatsiyalari ittifoqi Kut “UEFA obro’siga putur yetkazgani” hamda “odob-axloq qoidalarini buzgani” uchun diskvalifikatsiya qildi. Bu haqda The Sun xabar bermoqda.
Eslatib o’tamiz, o’tgan yilning noyabr oyida hakam “Liverpul”ning sobiq bosh murabbiyi Yurgen Klopp haqida haqoratomuz fikr bildirgani aks etgan video tarqalgandi.
Shundan so’ng, o’tgan yilning dekabr oyida PGMOL (Angliya professional hakamlar assotsiatsiyasi) tomonidan o’tkazilgan tergov natijasida Kut ishdan bo’shatilgandi.
