“Manchester Siti” klubi bosh murabbiyi Pep Gvardiola yana bir mavsum jamoada qolishi mumkin. Bu haqda jurnalist Matteo Moretto xabar berdi.
Manbaga ko’ra, kelasi hafta Gvardiola ingliz jamoasi rahbariyati bilan uchrashib, shartnomani keyingi mavsum oxirigacha uzaytirish masalasini muhokama qiladi.
Ma’lumot uchun, “Manchester Siti” joriy mavsum APL turnir jadvalida ikkinchi o’rinda bormoqda. Jamoa 11 ta uchrashuvda 23 ochko jamg’argan. Birinchi o’rinni “Liverpul” band etgan (28).
Eslatib o’tamiz, Pep Gvardiola “shaharliklar” bosh murabbiyi sifatida olti karra Premyer-liga chempioni va UEFA Chempionlari Ligasi g’olibi bo’lgan.
