Federal soliq xizmati (FTS) soliqlarni to’lamagani uchun sobiq UFC chempioni Xabib Nurmagomedovning tashkilotlari hisobini blokladi. Bu haqda Mash telegram kanali ma’lum qildi.
Manbaga ko’ra, Federal soliq xizmati jangchining ikkita kompaniyasi: “Futbol to’pi muzeyi” va “Ta’lim, sport va ijtimoiy tashabbuslarni rivojlantirish jamg’armasi” hisoblarini bloklagan.
Avvalroq “Eagle FC”, “Nurmagomedov” xayriya fondi va “Hikmet Travel” sayyohlik kompaniyasining akkauntlari allaqachon bloklangandi.
Eslatib o’tamiz, Xabib Nurmagomedov yozda soliq idoralari bilan muammolarga duch kelgandi. Tekshiruvlarga Xabib tashkilotlarining rasmiy hujjatlaridagi noto’g’ri ma’lumotlar sabab bo’lgandi.
