Kataloniyaning “Barselona” klubi bosh murabbiyi Xans-Diter Flik La Ligada avgust oyining eng yaxshi murabbiyi deb topildi.
Squawka ma’lumotlariga ko’ra, Flik ushbu sovrinni qo’lga kiritgan birinchi germaniyalik murabbiy bo’ldi. Avval hech bir nemis mutaxassisi Ispaniya chempionatida oyning eng yaxshisi bo’lmagandi.
Eslatib o’tamiz, Xansi Flik ushbu sovrin uchun kurashda Luis Garsiya (“Alaves”) va Marselino (“Vilyareal”)ni ortda qoldirdi.
Ma’lumot uchun, “Barselona” La Ligadagi o’zining navbatdagi o’yinini 15-sentyabr kuni “Jirona”ga qarshi o’tkazadi.
