“Liverpul” klubi yarim himoyachisi Federiko Kyeza qishki transferlar vaqtida Italiyaga qaytishi mumkin. Bu haqda Calciomercato xabar bermoqda.
Manbaga ko’ra, Milanning “Inter” klubi 27 yoshli futbolchini yanvar oyida sotib olish sharti bilan mavsum oxirigacha ijaraga olmoqchi.
Qayd etilishicha, “Inter” klubi direktori Beppe Marotta futbolchining agenti Fali Ramadani bilan yaxshi munosabatda. Ular bu masala bo’yicha bevosita muloqotda bo’lishgan.
Eslatib o’tamiz, Kyeza o’tgan yozgi transferlar oynasida “Yuventus”dan “Liverpul”ga ko’chib o’tgandi. U joriy mavsum mersisaydliklar safida 3 ta o’yinda maydonga tushdi.
