Italiya A Seriyasining 23-turida “Roma” va “Napoli” o’zaro bahs olib bordi va yakunda tomonlar 1:1 hisobida durangga imzo chekdi.
Uchrashuvda O’zbekiston milliy terma jamoasi sardori Eldor Shomurodov asosiy tarkibda maydonga tushdi va 80 daqiqa harakat qildi.
O’yindan so’ng statistikalarga ixtisoslashgan SofaScore nashri futbolchilarning maydondagi harakatlarini baholab chiqdi.
Unga ko’ra, Shomurodov 6,6 ballga loyiq ko’rildi. Hamyurtimiz darvozaga aniq zarba bera olmagan bo’lsada, raqiblarning hujumlarini qaytarishda jonbozlik ko’rsatdi.
Ma’lumot uchun, “Roma”ning A Seriya doirasidagi navbatdagi o’yini “Milan”ga qarshi o’tkaziladi. Uchrashuv 5-fevral kuni bo’lib o’tadi.
