Madridning “Real” klubi hujumchisi Kilian Mbappe sobiq jamoadoshi Bredli Barkolyaning o’yiniga yuqori baho berdi.
Joriy mavsumda Barkolya Mbappening PSJ’dagi ba’zi vazifalarini o’z zimmasiga olgan.
“Men Barkolya uchun xursandman, u ajoyib yigit. Umid qilamanki, u gol ura olmagan o’yinlardan so’ng unga yomon munosabatda bo’lmaysiz.
Bredlida katta imkoniyat bor. Uning qilayotgan ishi ajoyib, lekin kelajakda u bundanda yaxshiroq bo’la oladi. Men oxirgisidan tashqari barcha o’yinlarini ko’rdim”, – deydi Mbappe.
Ma’lumot uchun, Bredli Barkolya joriy mavsum Liga 1’da 3 ta o’yinda maydonga tushib, 4 ta golga mualliflik qildi.
