Ispaniya Qirollik futbol federatsiyasi matbuot xizmati “Barselona” va “Osasuna” o’rtasidagi La Liganing 27-turidan o’rin olgan qoldirilgan o’yin 27-mart kuni bo’lib o’tishini ma’lum qildi.
Eslatib o’tamiz, aslida uchrashuv 8-mart kuni o’tkazilishi rejalashtirilgandi. Biroq bahs boshlanishidan oldin “Barselona” shifokorining vafoti sabab o’yin noma’lum muddatga qoldirilgandi.
Ma’lumot uchun, “Barselona” ayni dam La Liga turnir jadvalida 60 ochko bilan peshqadamlik qilmoqda. “Osasuna” esa 33 ochko jamg’arib, 14-o’rinni egallab turibdi.
