Saudiya Arabistoni hukumati davlat investitsiya jamg’armasi Madridning “Real” klubi hujumchisi Vinisius Junior bilan 5 yillik shartnoma va JCh-2034 elchisi sifatida shartnoma imzolamoqchi. Bu haqda Globo Esporte xabar berdi.
Manbaga ko’ra, Vinisius bilan tuziladigan shartnomaning asosiy shartlari quyidagicha:
5 yillik shartnoma uchun 1 milliard yevro;
2029-yilda keyingi klubni erkin tanlash huquqi;
2034-yilgi Jahon chempionati va Saudiya Arabistoni chempionati elchisi;
Futbolchining karerasi tugaganidan so’ng mamlakatda mahalliy mavqega ega bo’lish imkoniyati.
Qayd etilishicha, futbol yulduzlari, xususan, Neymar va Krishtianu Ronalduning shartnomalari 2025-yilda tugaydi. Saudiyaliklar esa buni Vinisiusning kelishi uchun mablag’ bo’shatish imkoniyati sifatida ko’rmoqda.
Eslatib o’tamiz, avvalroq Vinisius “Oltin to’p”ni qo’lga kiritmaguncha Yevropani tark etmasligini aytgandi. U bu yilgi sovrin uchun asosiy favorit hisoblanadi. Saudiyaliklarning fikricha, bu ularga muzokaralarda yordam berishi mumkin.
