“Manchester Siti” Turinning “Yuventus” klubi chap qanot himoyachisi Andrea Kambiasoni o’z safiga qo’shib olmoqchi. Bu haqda Janluka Di Marsio xabar bermoqda.
Manbaga ko’ra, “shaharliklar” Kambiaso uchun qiymati 60-65 million yevro bo’lgan taklif tayyorlamoqda. Turin klubi esa himoyachining transferidan ko’proq pul ishlab olmoqchi.
Ma’lumot uchun, Kambiaso joriy mavsum barcha turnirlarda 25 ta o’yinda maydonga tushib, 2 ta gol urdi va 2 ta golli uzatmani amalga oshirdi. Uning Transfermarkt’dagi narxi 40 million yevroga baholanmoqda.
