“Barselona”, “Manchester Siti” va Chili terma jamoasi sobiq darvozaboni Klaudio Bravo faoliyatini yakunladi.
“Men professional futboldagi faoliyatimni yakunlayman. Hayotimdagi juda muhim qarorni qabul qilish va boshqa bir bosqichni boshlash vaqti keldi”, – deydi Bravo.
Ma’lumot uchun, 41 yoshli darvozabonning so’nggi klubi Ispaniyaning “Betis” klubi edi. Shuningdek, kiper bungacha “Kolo-Kolo”, “Real Sosedad”, “Barselona” va “Manchester Siti” klublarida ham to’p surgan.
Bundan tashqari, Bravo Chili terma jamoasi safida 150 ta o’yin o’tkazgan va ikki marta Amerika kubogini qo’lga kiritgan.
