Angliyaning “Bornmut” klubi markaziy himoyachisi Ilya Zabarniy faoliyatini La Ligada davom ettirishi mumkin. Bu haqda El Gol Digital xabar bermoqda.
Manbaga ko’ra, 22 yoshli ukrainalik futbolchiga “Real” qiziqish bildirmoqda. Madridliklar prezidenti Florentino Peres uzoq vaqt davomida Zabarniyni kuzatib borgan va uni transfer qilishga harakat qilib ko’rmoqchi.
Qayd etilishicha, “Bornmut” ukrainalik futbolchini kelasi yozda 60 million yevro evaziga sotishga tayyor. “Real” esa bu transfer uchun asosiy davogarlardan biri hisoblanadi.
Ma’lumot uchun, Ilya Zabarniy joriy mavsum klub safida jami 13 ta o’yinda maydonga tushdi. Uning Transfermarkt’dagi narxi 32 million yevroga baholanmoqda.
