“An-Nasr” klubi hujumchisi Krishtianu Ronaldu faoliyatini qachon yakunlashni rejalashtirayotgani haqida gapirdi.
“Qachon nafaqaga chiqishimni bilmayman. Balki ikki yoki uch yildan keyin… Lekin, ehtimol, “An-Nasr”da faoliyatimni yakunlayman.
Men bu klubda juda baxtliman, bu mamlakatda o’zimni yaxshi his qilyapman. Saudiyada o’ynaganimdan xursandman va davom etishni xohlayman”, – deydi Ronaldu.
Eslatib o’tamiz, 39 yoshli portugaliyalik hujumchi 2023-yilning yanvar oyida “An-Nasr”ga ko’chib o’tgandi. O’tgan mavsumda Ronaldu klub safida jami 44 ta o’yin o’tkazib, 44 ta gol urdi va 13 ta golli uzatmani amalga oshirdi.
