Moskvaning SSKA klubi sobiq futbolchisi va hozirda klub seleksioneri Alan Zagoyev Sports.ru nashriga bergan intervyusida Abbosbek Fayzullayevning Yevropada o’ynash imkoniyatlari haqida fikr bildirdi.
– SSKA seleksionerlari birinchi navbatda qaysi bozorlarga e’tibor qaratadi?
– Deyarli hamma joyga e’tibor qaratamiz. Urugvay, Braziliya, Chili va Meksika. Masalan, men Misrga borib, u yerdagi futbolchilarni kuzatib bordim. Marokashlik va eronlik iste’dodli futbolchilar bor. Hamma joyda qobiliyatli yigitlar bo’lishi mumkin.
Hozir O’zbekistonda yangi avlod yetishib chiqdi. May oyida ular U23 Osiyo Kubogi finalida Yaponiyaga qarshi o’ynashdi. Men o’sha o’yinni tomosha qilganman. Umuman olganda, menga ikki yoki uchta yigit yaqqol ko’zga ko’rindi.
– O’zbeklar haqida gapirdingiz. Fayzullayev qishda yoki keyingi yozda Yevropaning top klubiga ketsa, hayron qolmaysizmi?
– Hayron bo’lmasdim.
– Qaysi darajadagi jamoaga?
– “Barselona”ga emas, beshinchi yoki oltinchi o’rindagi klubga.
– “Real Sosedad”gami?
– Misol uchun shunday. Agar Abbos hozirgi darajada o’ynashda davom etsa, bir yoki ikki yildan so’ng uni SSKAda ko’rnasligimiz mumkin.
