Kataloniyaning “Barselona” klubi “Leypsig” yarim himoyachisi Dani Olmo transferini qachon e’lon qilishi ma’lum bo’ldi.
Mundo Deportivo xabariga ko’ra, “ko’k-anorranglilar” kelishuvni bugun e’lon qilishi mumkin.
Qayd etilishicha, Olmoga ushbu transfer oynasida ko’plab top-klublar, jumladan, “Man. Siti” va “Bavariya” qiziqish bildirgan. Ammo ispaniyalik yarim himoyachi “Barselona” variantini afzal ko’rgan.
Eslatib o’tamiz, Olmo yaqinda Ispaniya terma jamoasi bilan Yevro-2024da g’olib bo’lgandi. U o’tgan mavsum Bundesligada 21 ta o’yin o’tkazib, 4 ta gol va 5 ta golli uzatmani amalga oshirdi.
