Klublar o’rtasidagi Jahon chempionatining “A” guruhi 2-turidan o’rin olgan bahsda “Inter Mayami” va “Portu” o’zaro to’qnash keldi va yakunda floridaliklar 2:1 hisobida g’alaba qozondi.
Dastlab “Portu” hujumchisi Samuel Agexova o’yin boshidayoq penaltidan unumli foydalanib, hisobni ochdi. 47-daqiqada “Inter Mayami” yarim himoyachisi Telasko Segoviya muvozanatni tikladi.
54-daqiqada esa MLS klubi jarima zarbasi ishlab oldi va Lionel Messi vaziyatni golga aylantirdi.
Shu tariqa, “Inter Mayami” ushbu g’alabadan so’ng o’z ochkolari hisobini 4 taga yetkazib oldi. “Portu”da esa 1 ochko mavjud va ular guruhda 3-o’rinni egallab turibdi.
