Madridning “Real” klubi bosh murabbiyi Xabi Alonso o’z o’yinchilariga uchrashuv vaqtida bor kuchini sarflamaganlar endi tarkibga kiritilmasligini aytdi. Bu haqda Cadena Ser nashri xabar bermoqda.
Manbaga ko’ra, ispaniyalik mutaxassis o’z futbolchilarini maydonda jon-jahdi bilan yugurmagan va borini bermaganlar zaxirada qolishi haqida qattiq ogohlantirgan.
Alonso barcha futbolchilar, hatto darvozabon Tibo Kurtua ham bor kuchini berishi kerakligini ta’kidlagan.
Eslatib o’tamiz, “Real” o’zining navbatdagi o’yinini 18-iyun kuni Klublar o’rtasidagi Jahon chempionati doirasida “Al-Hilol”ga qarshi o’tkazadi.
