“Chelsi”ning afsonaviy futbolchisi Jon Terri Eden Azarning London klubidagi yuqori saviyali o’yinlari haqida gapirdi.
“Azar “Chelsi”ning eng iqtidorli futbolchisi edi. U maydonda o’ziga xos sehr ko’rsatardi va Messi hamda Ronaldu bilan bir saviyada edi”, – deydi Terri.
Eslatib o’tamiz, Azar 2023-yilda 32 yoshida professional futbolchilik faoliyatini yakunlagandi. U “Royal Stade Brenois”, “Tubize”, “Lill”, “Chelsi” va “Real Madrid” kabi jamoalarda o’ynagan.
Belgiyalik hujumchi eng ko’p o’yinlarini “Chelsi” libosida o’tkazgan – 352 ta. Londonliklar bilan birga u ikki marta Angliya chempioni, ikki marta Yevropa Ligasi va bir martadan Angliya Kubogi va Liga Kubogida g’olib chiqqan.
