“Bavariya” yarim himoyachisi Yozua Kimmixning 2025-yilning yozida yakuniga yetadigan shartnomasi uzaytirilmasligi mumkin. Bu haqda Bild xabar bermoqda.
Manbaga ko’ra, 30 yoshli futbolchi shu hafta boshida myunxenliklardan taklif olgan, biroq klub taklifni qaytarib olgan. Chunki rahbariyat uning nima uchun haligacha ikkilanayotganini tushunmayapti.
Qayd etilishicha, klub va futbolchining vakillari shartnoma taklifi qaytarib olinganidan keyin ham muzokaralarni davom ettirmoqda.
Avvalroq OAV’da ”Bavariya” Kimmixning maoshini yiliga 19 million yevrodan 22 million yevroga oshirishni rejalashtirayotgani haqida xabarlar tarqalgandi.
Ma’lumot uchun, Kimmix joriy mavsum myunxenliklar safida 36 ta o’yin o’tkazib, bitta gol urdi va 10 ta golli uzatmani amalga oshirdi. Uning Transfermarkt’dagi narxi 50 million yevroga baholanmoqda.
