JCh-2026 saralash bosqichining 8-turida O’zbekiston milliy terma jamoasiga qarshi o’yinda 2:2 hisobida durangga erishib, muddatidan avval mundial yo’llanmasini naqd qilgan Eron AQSh bilan o’zaro nizo sabab to’rt yillikning eng nufuzli turnirida qatnasha olmasligi mumkin.
Bunga sabab, forslar AQSh’ning “qora ro’yxati”ga kiritilgan. Bu Eronga shtatlarda o’yin o’tkazishida muammolar tug’dirishi mumkin. FIFA allaqachon mezbon jamoa bilan ushbu masalani hal etish borasida muzokaralar olib bormoqda.
Agar AQSh hukumati cheklovni bekor qilmasa, bu katta mojaro keltirib chiqarishi mumkin. Eronning mundial ishtirokchilari safidan chiqishi futbol tarixida misli ko’rilmagan holat bo’ladi va xalqaro miqyosda keng muhokamalarga sabab bo’ladi.
