Italiya chempionatining 26-turidan o’rin olgan bahsda “Roma” o’z maydonida autsayder “Monsa” darvozasiga javobsiz 4 ta to’p kiritdi.
Rimliklar safida qatorasiga uchinchi o’yinda asosiy tarkibda maydonga tushgan Eldor Shomurodov 70 daqiqa harakat qilib, gol va assistni o’z hisobiga yozdirib qo’ydi.
Statistikalarga ixtisoslashgan SofaScore nashri o’yindan so’ng futbolchilarning maydondagi harakatlarini baholab chiqdi.
Unga ko’ra, Shomurodov jamoadoshlari Kristante va Souledan so’ng eng yuqori ball olgan uchinchi futbolchi bo’ldi (8,1 ball).
