Turkiyaning “Galatasaroy” klubi “Fenerbaxche”ga qarshi o’yindan so’ng (0:0) portugaliyalik mutaxassis Joze Mourinyoni tanqid qildi.
Uchrashuvdan so’ng Mourinyo istanbulliklarni “maymun”ga qiyosladi.
“Men hakamga rahmat aytishim kerak. Men aytayotgan vaziyatda raqib o‘rindig‘ida o‘tirganlarning hammasi maymundek sakrashardi.
Agar o‘yinni turkiyalik hakam boshqarganida, Yusuf Akchichek birinchi daqiqadayoq kartochka olgan bo‘lardi, men esa uni beshinchi daqiqada almashtirishim kerak bo‘lardi”, – dedi “Fenerbahche” bosh murabbiyi.
O’z o’rnida, “Galatasaroy” ham Mourinyoning so’zlarini turk xalqiga hurmatsizlik deb atagan bayonot berdi.
“Fenerbaxche” bosh murabbiyi Joze Mourinyo Turkiyadagi birinchi ish kunidanoq turk xalqi haqida tinimsiz haqoratomuz gaplarni aytib keladi. Bugungi kunda uning bayonotlari axloqsiz izohlardan oddiygina g’ayriinsoniy ritorikaga aylandi.
Biz Joze Mourinyoning irqchi bayonotlari yuzasidan jinoiy ish qo’zg’atish, shuningdek, UEFA va FIFA’ga rasmiy shikoyatlar yuborishimizni ma’lum qilamiz”, – deyiladi “Galatasaroy” bayonotida.
Ma’lumot uchun, “Galatasaroy” Turkiya Superligasi turnir jadvalida 24-turdan so’ng 64 ochko bilan birinchi o’rinda bormoqda. “Fenerbaxche” esa 58 ochko bilan ikkinchi o’rinni egallab turibdi.
