Italiya A Seriyasining 26-turidan o’rin olgan bahsda “Roma” o’z maydonida “Monsa”ni qabul qildi va yirik 4:0 hisobida g’alaba qozondi.
Hamyurtimiz Eldor Shomurodov bu gal ham asosiy tarkibda maydonga tushdi va 10-daqiqada Salemakersga golli uzatma berdi. 32-daqiqada esa Shomurodovning o’zi boshi bilan raqib darvozasini ishg’ol qildi.
73-daqiqada Anxelinyo hisobni yirik ko’rinishga keltirdi. 88-daqiqada esa Brayan Kristante uchrashuvga yakuniy nuqta qo’ydi.
Shu tariqa, rimliklar o’z ochkolari hisobini 40 taga yetkazib olib, 9-o’rinni egallab turibdi. “Monsa” esa 14 ochko bilan 20-pog’onada qoldi.
A Seriya | 26-tur
“Roma” 4:0 “Monsa”
Gollar: Salemakers 10′, Shomurodov 32′, Anxelinyo 73′, Kristante 88′.
