Braziliyaning “Santos” klubi ijrochi direktori Marsio Kalves Neymarning jamoaga qaytishi mumkinligi haqida gapirdi.
Eslatib o’tamiz, 32 yoshli futbolchi hozirda Saudiyaning “Al-Hilol” klubida to’p surmoqda.
“Hozirda Neymar bilan rasmiy muzokaralar olib borilmayapti, ammo har bir muxlis uning klubga qaytishini orzu qiladi.
“Santos” Neymar bilan ajoyib munosabatda. Faoliyatini shu yerda boshlagan va qaytish ehtimoli uning o’ziga bog’liq.
60 foiz ishonamanki, Neymar “Al-Hilol” bilan shartnomasi yakunlangach, safimizga qo’shiladi. U bunga rozi bo’lishi mumkin, chunki u “Santos”ni yaxshi ko’radi va 2026-yilgi Jahon chempionati haqida o’ylayapti”, – deydi Kalves.
Ma’lumot uchun, Neymarning “Al-Hilol” bilan tuzgan amaldagi shartnomasi 2025-yilning yozida yakuniga yetadi.
