Madridning “Real” klubi hakamlar bilan kelishmovchilik tufayli Ispaniya chempionatini tark etib, boshqa ligada o’ynashi mumkin. Bu haqda Sport.es xabar bermoqda.
Manbaga ko’ra, La Liga prezidenti Xaver Tebas va “Real” prezidenti Florentino Peres o’rtasida mojaro kelib chiqqan. Hozirda Madrid klubi boshqa ligaga ko’chish imkoniyatini ko’rib chiqmoqda.
Qayd etilishicha, “qaymoqranglilar” Bundesliga, A Seriya yoki Liga 1’da o’ynashni rejalashtirmoqda.
Ma’lumot uchun, “Real” Ispaniya La Ligasi turnir jadvali ikkinchi o’rinda bormoqda. Karlo Anchelotti shogirdlari o’zining navbatdagi o’yinini Chempionlar Ligasi doirasida “Manchester Siti”ga qarshi o’tkazadi.
