Fransiyalik yarim himoyachi Pol Pogba “Manchester Yunayted”ga qaytishi mumkin. Bu haqda Yahoo xabar bermoqda.
Manbaga ko’ra, mankunianliklar Pogbaga uch oylik qisqa muddatli shartnoma taklif qilish haqida o’ylamoqda. Hozirda futbolchi erkin agent hisoblanadi.
Eslatib o’tamiz, fransiyalik futbolchida doping aniqlangani uchun u uzoq muddatga diskvalifikatsiya qilingandi va bu muddat 10-mart kuni nihoyasiga yetadi. Shundan so’ng, Pogba yana maydonga qaytishi mumkin.
Ma’lumot uchun, Pol Pogba MYU safida jami 233 ta o’yinda maydonga tushib, 39 ta gol urgan va 48 ta golli uzatmani amalga oshirgan.
