“Manchester Siti” bosh murabbiyi Pep Gvardiola “Nyukasl”ga qarshi o‘yin (4:0) bo‘yicha fikr bildirdi.
“O‘yin tarziga qaraganda, qanday jamoa ekanimizni eslab qoldik. Bu mavsumda avval bunday darajada o‘ynamagandik. Har doim harakat qilamiz, lekin ba’zida barchasi o‘zimiz istagandek chiqmaydi. Bugungi tezlik va hujumdagi intensivlikdan juda mamnunman.
Niko (Gonsales) va (Abduqodir) Husanov ajoyib o‘ynashdi. Chempionlar Ligasiga yo‘llanmani qo‘lga kiritish uchun bunday o‘yinlarni yutishimiz shart. Shu tarzda o‘ynashimiz kerakki, muxlislarimiz uyga baxtiyor holda qaytsin.
Marmush Germaniyada ham o‘zini yaxshi ko‘rsatgan. U tezkor va yuqori sifatga ega. “Leyton”ga qarshi o‘yinda imkoniyatlarni yo‘qotdi, ammo bugun maydonda ancha yaxshi harakat qildi.
Xoland 10 yillik shartnoma imzoladi, shunday ekan, kapitan sifatida unga ishonaman. Ertami kechmi u jamoa yetakchisiga aylanadi, bu faqat vaqt masalasi”, – deydi Gvardiola.
