Angliya Premyer-ligasining 23-turidan o’rin olgan bahsda “Manchester Siti” o’z maydonida “Chelsi”ni qabul qildi va 3:1 hisobida g’alaba qozondi.
Ahamiyatlisi, hamyurtimiz Abduqodir Husanov “shaharliklar” safida debyut o’yinini o’tkazdi. Biroq 3-daqiqada xatoga yo’l qo’ydi va “Chelsi” bundan foydalanib ketdi. 4-daqiqada esa ilk sariq kartochkasini oldi.
Uchrashuv yakunlanganidan so’ng, “Manchester Siti” muxlislari ijtimoiy tarmoqlarda Husanovning debyutiga o’z munosabatlarini bildira boshladi.
AllSport24.uz sayti e’tiboringizga muxlislarning fikrlaridan bir parchasini havola etadi.
a.smyth31: “Husanov, hamma ham shunday kunlarni boshdan kechiradi. Bugungi debyuting uchun xafa bo’lma. Sen to’pni raqiblardan ajoyib olib qo’yding. Oshna, sen albatta yaxshi bo’lib ketasan. Olg’a, Siti!”.
elamn.n: “Husanov xato qilgan bo’lsa ham, juda yaxshi o’ynadi”.
cillasheis: “Husanov, boshida qilgan xatoyingdan tashqari ajoyib o’yin ko’rsatding. Biz seni qo’llab-quvvatlaymiz, xatoying uchun hafa bo’lma. Biz shaharliklar seni yaxshi ko’ramiz va doimo yoningdamiz”.
a_zein__: “Husanov uchun uzr so’rayotganlar, xotirjam bo’linglar. Bu bola misli ko’rilmagan darajada o’yin o’tkazdi. Bitta xato uning o’yinini buzmaydi. Shunchaki, tinchlaning!”.
