Bugun Angliya Premyer-ligasi 25-turidan o’rin olgan “Manchester Siti” – “Nyukasl” to’qnashuvi bo’lib o’tadi.
O’yindan oldin tashkil etilgan matbuot anjumanida Pep Gvardiola jarohat olgan Manuel Akanji o’rnini kim egallashi haqida fikr bildirdi.
“Menda Riko bor, Mateus bor. Bizda, shuningdek, Abduqodir ham bor. Biroq u bu chiziqda o’ynay oladimi yoki yo’q hali bilmayman.
Yordam beradiganlar yetarli. Kim tushishi biz qanday taktik uslubdan foydalanishimizga bog’liq. Ko’ramiz, hali o’ylashga vaqtimiz yetarli”, – deydi Gvardiola.
Eslatib o’tamiz, ushbu bahs bugun, 15-fevral kuni Toshkent vaqti bilan soat 20:00 da “Etihad”da start oladi.
