Saudiyaning “Al-Hilol” klubi Neymar bilan xayrlashganidan keyin yangi yulduz futbolchi bilan shartnoma imzolamoqchi. Bu haqda jurnalist Ben Jeykobs xabar bermoqda.
Manbaga ko’ra, “Al-Hilol” “Liverpul” hujumchisi Muhammad Salohni o’z safiga qo’shib olmoqchi.
Qayd etilishicha, agar ushbu transfer amalga oshsa, misrlik forvard dunyoning eng ko’p maosh oladigan futbolchisiga aylanadi.
Ma’lumot uchun, Saloh joriy mavsum barcha turnirlarda 32 ta o’yinda maydonga tushib, 23 ta gol urdi va 17 ta golli uzatmani amalga oshirdi. Uning mersisaydliklar bilan tuzgan amaldagi shartnomasi 2025-yilning yozida yakuniga yetadi.
