Leverkuzenning “Bayer” klubi “Liverpul”ning Florian Virts bo’yicha yuborgan ikkinchi taklifini ham rad etdi. Bu haqda jurnalist Kristian Falk xabar bermoqda.
Manbaga ko’ra, mersisaydliklar bu safar Virts uchun 130 million yevro taklif qilgan. Biroq nemis klubi 150 million yevro talab qilmoqda.
Qayd etilishicha, 22 yoshli germaniyalik yarim himoyachiga “Manchester Siti” va “Real” ham qiziqish bildirmoqda.
Ma’lumot uchun, Virts o’tgan mavsum barcha turnirlarda 45 ta o’yinda maydonga tushib, 16 ta gol urdi va 15 ta golli uzatmani amalga oshirdi. Uning Transfermarkt’dagi narxi 140 million yevroga baholanmoqda.
